Sérstök ritnefnd annast útgáfu og ritstjórn Bókasafnsins og er ráðgefandi um útgáfu þess á vefnum. Nefndin hefur sjálfstæði í störfum sínum en er ætlað að upplýsa stjórn Upplýsingar reglulega um stöðu mála og framvindu. Árlega skal ritnefnd skila inn samantekt um starfsemi nefndarinnar til birtingar í ársskýrslu sem lögð er fyrir aðalfund Upplýsingar.

• Hlutverk og markmið: Bókasafnið er fagtímarit bókasafns- og upplýsingafræðinga, bókavarða, skjalastjóra, skjalavarða og annarra sem starfa við fagið.
• Útgáfutíðni: Bókasafnið er gefið út árlega og kemur út að vori.
• Upplag og útbreiðsla: Tímaritið er gefið út á vef og er opið öllum. Upplýsing sér um að tilkynna félagsmönnum þegar nýtt tölublað hefur verið birt.
• Vefsetur tímaritsins er bokasafnid.is.
• Efnistök: Hvaðeina sem snertir fag- og starfssvið félagsmanna. Sjá nánari upplýsingar í ritstjórnarstefnu. Ritnefnd sér um að kalla eftir efni frá félagsmönnum og öðrum þeim sem hún telur að eigi erindi.
• Fjármögnun: Upplýsing kostar útgáfuna og sér m.a. um að áskrift að vefhýsingu og þjónustu vegna hennar.
• Ritstjórn: Formaður ritnefndar er tilnefndur af stjórn Upplýsingar, hann er jafnframt ritstjóri Bókasafnsins. Í ritnefnd skulu vera að lágmarki þrír. Ritnefnd skiptir með sér verkum.