Vika 17 | Alþjóðleg vika heimsmarkmiðanna á bókasöfnum

Hversu oft hugsar þú um heimsmarkmiðin í þínu daglega lífi? Getur verið að þú sért að vinna að þeim án þess að vita af því?

Þegar þú ferð á bókasafnið kemur þú okkur öllum skrefinu nær heimsmarkmiðunum – í það minnsta einhverju þeirra, en þau eru samtals 17.

Heimsmarkmiðin eru mörg og fjölbreytt. Þau eru samþætt og órjúfanleg og mynda jafnvægi milli þriggja stoða sjálfbærrar þróunar; hinnar efnahagslegu, félagslegu og umhverfislegu.

Vika 17 er alþjóðleg vika heimsmarkmiðanna á bókasöfnum, en hún fer fram í 17. viku ársins. Í tilefni vikunnar eru ýmsir viðburðir tengdir heimsmarkmiðunum á dagskrá bókasafna vítt og breytt um landið, til að mynda skiptimarkaðir, plokkbingó og smiðjur. Vika 17 hittir yfirleitt á Sumardaginn fyrsta hér á landi og er bókasöfnum því velkomið að teygja dagskrána í vikuna á undan eða á eftir.

Verkefnið á uppruna sinn að rekja til Danmerkur en er í dag taka hátt í 200 bókasöfn frá 10 mismunandi löndum þátt. Markmiðið er að vekja athygli á heimsmarkmiðunum 17 með fjölbreyttum viðburðum og sýna að við getum öll lagt okkar af mörkum.

Hvað þarf ég að gera til að taka þátt?

Vera með að minnsta kosti einn viðburð sem tengist heimsmarkmiðunum á einhvern hátt og merkja hann með Viku 17 logo-inu (um að gera að nýta eitthvað úr hugmyndaskjalinu).
Sendu línu á [email protected] til að tilkynna að þitt bókasafn ætli að vera með.

Hvernig viðburði get ég verið með?

Allt sem tengist heimsmarkmiðunum á einhvern hátt á heima í Viku 17. Í hugmyndaskjalinu má finna tillögur að ýmsum viðburðum og í bókalistaskjalinu tillögur að bókum sem stilla má út í tilefni vikunnar.

Þema Viku 17 árið 2026 er markmið 2, Ekkert hungur. Bókasöfn eru hvött til þess að vera með viðburði sem tengjast markmiðinu en það er ekki nauðsynlegt. Allt sem hægt er að tengja við eitthvert heimsmarkmiðanna á heima í Viku 17.

Kynningarefni, merki og efni til útprentunar (hugmyndabanki, bókalisti o.fl.) er hér.

Í undirbúningsnefnd fyrir Viku 17 árið 2026 sitja:

Árný Þöll Ómarsdóttir, bókavörður hjá Reykjanesbæ
Ásbjörg Una Björnsdóttir, viðburðastjóri hjá Bókasafni Garðabæjar
Eyrún Ósk Jónsdóttir, verkefnastjóri hjá Bókasafni Kópavogs
Guðný Kristín Bjarnadóttir, forstöðumaður Bókasafns Reykjanesbæjar
Hrönn Soffíu Björgvinsdóttir, verkefnastjóri hjá Amtsbókasafninu á Akureyri
Sigurlaug Jóna Hannesdóttir, útibússtjóri Lindasafns í Kópavogi